Сабота, 20 Јануари 2018

  • Facebook: famamk
  • FeedBurner: fama/rss
  • Twitter: famamk


Турција ги предупреди своите граѓани на можни напади во САД

Според информациите на „Дејли Сабах“, Турција издала предупредување до нејзините државјани да не патуваат во САД поради зголемената опасност од терористички напади.

Како што наведува медиумот, предупредувањето денеска го издало Министерството за надворешни работи. Од таму, исто така предупредиле дека Турците може да се соочат со незаконски притвор, вклучувајќи ги и државните службеници кои патуваат службено во САД.

Официјална Анкара наведува дека предупредувањето е издадено со оглед на зголемениот број на бомбашки напади, напади извршени со возила во толпа, напади насочени кон градските центри и културни настани, метро станици, јавни згради, па дури и училишни кампуси. Министерството ги споменува неодамнешните напади во кампусот на универзитетот во Охајо, аеродромот „Форт Лодердејл-Холивуд“, џамијата Дар ал-Фарук во Минесота, црквата во Тексас и подземната железница во Њујорк како пример за терор и екстремно десни расистички инциденти.

Во четвртокот, американскиот Стејт департмент издаде сопствена туристичка брошура со совети за патување во странство, каде што земјите се поделени меѓу четири категории од 1 (најбезбедно) на 4 (најмалку безбедни). Турција е во категоријата 3, заедно со Венецуела, Бурунди, Пакистан и Судан.